cursu2007-2008 - Chema Fombona

Escuela de Música Tradicional Llangréu
A.pp.aa. Conservatoriu Valle del Nalón
Chema FombonaTambor Asturianu

Entama les sos andances musicales na batería a los 8 años de manera autodidacta (destrozándo-y a so ma los Tupper -Ware de metal) y entama a tocar con 13 años xunto col so hermanu Tino nel grupu llocal de Pop-Rock Openn y más tarde nos Secretos de Alcoba (Formáu por Tino y Juan Manuel Olay).

Dempués recibe clases de Julio Sánchez y empieza a tocar cola Banda de Música de Noreña, collaborando tamién coles de Pravia, Corvera y más tarde Mieres. Ensin escaecer la escuela de BBC- Tp (Bodes, bautizos y comuniones, tamién praos) cola orquesta Kristal, lliderada por so pá, el cantante Tino Fombona (d'ehí l'apellíu artísticu).

Nel 89 entama los estudios de percusión nel Conservatorio Julián Orbón d'Avilés con Julio Sánchez y toca col grupu Dona Kebab con Simon Brown, Alejandro Coloma y Abel Martínez, algamando'l primer premiu esi añu del Concursu de grupos en direutu d'Uviéu, esti premiu foi la grabación d'un Mini-LP cola compañía discográfica FonoAstur. Dempués vienen collaboraciones y grabaciones con Morgan, Pálidos Pilotos, El Ansia, Toli Morilla, Taboga Dreams, Jazz de Güey y Los Berrones ente otros.

Nel 91 cola p'Alemania y estudia en Hannover con Heiko Schäfer y Wolfgang Schneider, n'Osnabrück con Marcus Linke y Gerhart Stengert y en Bremen con Stephan Rapp, algamando la titulación de Profesor Superior de Percusión y Profesor Superior de Pedagoxía Musical (na especialidá de percusión).

Collabora y graba con delles orquestes y artistes n'Alemania como la Bremer Kammer Philarmonie, Antares, Matamá, José López Band, Calima Flamenca, Sonacay, Ricardo Valdes, D´Janeiro, Silvia Sinning, Christian Pradel, Harry Welling, Tresimul, Konsession Big Band, amás de realizar el so proyeutu xunto al percusionista Nené Vásquez, "Proyecto Catastrófico".

Docente xunto con Gerson Stiening en dellos talleres de percusión afrocubana y brasileña.

Collaborador y profesor de la Fundación Yehudi Menuhín, dende 2000 fasta 2003 realizando la producción, igüa, escenificación y grabación del Musical Wenn gehört der Regendwald d'Andreas Ottmer xunto coles profesores y los neños de la clase 3C de la Heiligenwegschule n'Osnabrück.

A finales de 2003 torna p'Asturies y dende 2004 ye profesor de percusión nel Conservatoriu Profesional d'Uviéu y na Escuela de Música Tradicional del Valle del Nalón. Ye miembru de la Banda Gaites Conceyu de Llangréu (B.G.C.LL) , batería de Los Berrones, batería de Confluen Jazz y recientemente collaboró como percusionista con Los Virtuosos de Moscú, la OSCO, Pipo Prendes, Saldos Arias y Emilio de Benito.

Realiza tamién varios estrenos absolutos de Música Contemporánea col Atelier Neue Musik de Bremen y los compositores Antón Sjarov y Willem Schulz entre otros.

Algama en 1999 el Premiu de Fomentu de los Conservatorios Superiores de Música d'Alemania en Weimer col Bremer Percusión Trio.

Foi profesor de la Escuela municipal de música de Osnabrück dende 1999 fasta 2003.

Docente xunto con Gerson Stiening en dellos talleres de percusión afrocubana y brasileña. Collaborador y profesor de la Fundación Yehudi Menuhín dende 2000 fasta 2003 realizando la producción, igüa, escenificación y grabación del Musical Wenn gehört der Regendwald d'Andreas Ottmer xunto coles profesores y los neños de la clase 3C de la Heiligenwegschule n'Osnabrück.

A finales de 2003 torna p'Asturies dende 2004 al 2006 ye profesor de percusión de grau mediu nel Conservatoriu Profesional d'Uviéu, dende 2006 del de Xixón nos grados elemetal y medio y na Escuela de Música Tradicional del Valle del Nalón. Ye miembru de la Banda Gaites Conceyu de Llangréu, batería de Los Berrones( Link), batería de Confluen Jazz y recientemente collaboró como percusionista con Los Virtuosos de Moscú, la OSCO, Pipo Prendes, Saldos Arias y Emilio de Benito.